Акафист Илиодору Оптинскому Милостивому
Конда́к 1
Избра́нный уго́дниче Христо́в Илиодоре! Похва́льное прино́сим ти́ пение. Ты́ бо о лю́дех милосе́рдствуя, Бо́гу угождати возлюби́л еси́, те́мже ти́ любо́вию Бо́жией обогати́вшемуся и дерзнове́ние к Нему́ стяжа́вшему, припа́дающе прилежно мо́лимтися: не оста́ви и на́с, к тебе́ в ну́ждах прибега́ющих и со умиле́нием зову́щих:
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
И́кос 1
А́нгелом ра́дование и челове́ком весе́лие бы́сть житие́ твое́, Илиодоре Ми́лостивый. Ты́ бо пра́отцу твоему апостолу Гайю милосердием и страннолюбием после́дуя, я́ко оте́ц чадолюби́вый: а́лчущих пита́я, стра́нных же с ра́достию прие́мля, любе́зно те́х упокоева́л, и та́ко до́м тво́й обитель Оптинскую для нас прибе́жищем ра́дования соде́лал еси́. Ви́дяще тя́, во́лю Бо́жию в дела́х милосе́рдия творя́ща, прино́сим ти́ таковы́я похвалы́:
Ра́дуйся, Оптиной пустыни свети́льниче светоза́рный.
Ра́дуйся, человеколю́бия о́бразе пресла́вный.
Ра́дуйся, все́м се́рдцем Бо́га возлюби́вый.
Ра́дуйся, Тому́ ре́вностно послужи́вый.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 2
Ви́дя, я́ко в ми́ре се́м вся́ческая суета́ и тле́ние, потща́лся еси́ те́сным и приско́рбным путе́м тече́ние жи́зни сея́ соверши́ти; всели́вся во оби́тели преподо́бнаго Се́ргия, и от него́ прия́в благодать Божию, поревнова́л еси́ богому́дрому его́ жительству, и ку́пно с ни́м де́нь и но́щь воспева́л еси́ Спаси́телю, все́х Бо́гу: Аллилу́иа.
Икос 2
Кедру ливанскому уподобился еси Илиодоре милостивый, изрядно укрепивый душу свою благочестием иноков Лаврских, их же нраву, молитве и воздержанию последовал еси, и яко воин Христов, противу козней вражиих ополчился. Мы же видя твое укрепление умильно взываем ти:
Ра́дуйся, благоче́стия сто́лпе непоколеби́мый.
Ра́дуйся, отче наш любимый.
Ра́дуйся, ми́ро многоце́нное в Це́ркви Христо́вой благоуха́ющий.
Ра́дуйся, вдо́в и сиро́т хле́бом жи́зни пита́ющий.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 3
Ра́зум прему́дрый вои́стинну стяжа́л еси́, всеблаже́нне Илиодоре, я́ко блага́я и зла́я, живо́т и сме́рть, нищета́ и бога́тство от Го́спода су́ть еси, сего́ ра́ди словеса́ Госпо́дня: «Поне́же сотвори́сте еди́ному из бра́тий мои́х ме́ньших, Мне́ сотвори́сте» – па́че ме́да и со́та се́рдцу твоему́ бы́ша. Мы же слушая сие, поем Богу: Аллилуия.
И́кос 3
Видяще тя любовию ко Христу пламенеющаго, благословил тебя старче Кирилле в Оптину пустынь путь твой управити, ты же усомнившись, к раке мощей преподобного Сергия припадая, вторицею услышал глас сей: «В Оптину иди», и туда стопы свои направив, всего себя в руце Божии предал. Мы же, дивящееся таковому о тебе промышлению, со умилениием вопием ти:
Радуйся, совершеннаго послушания исполненный.
Радуйся, святых заповедей блюстителю верный.
Радуйся, смиренно в руце Божии себе отдавый.
Радуйся, ангельское житие благодатно стяжавый.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 4
Пропове́дник милосе́рдия и человеколю́бия Христо́ва яви́лся еси́, отче Илиодоре, Мы же умиля́емся се́рдцем и душе́ю, благодаря́ще Спасителя, дарова́вшаго на́м тя, па́стыря на ни́ве церко́вней ве́рна и стра́жа ове́ц Его́ приле́жна, и зове́м Ему́: Аллилу́иа.
И́кос 4
Путево́дней звезде́ уподо́бился еси́, отче Илиодоре милостиве, указу́я все́м пу́ть к Ца́рствию Небе́сному. Ибо привратником Пресвятыя Богородицы соделался еси воспевая непрестанные акафисты пред честными Ея образами. Мы же в благодарность тебе поем:
Радуйся, Пресвятыя Богородицы кадило неугосающее.
Радуйся, пред святыми образами лампада всех освящающая.
Радуйся, слуга Ея верный.
Радуйся, привратник примерный.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 5
Возсия́л еси́, я́ко свети́ло лучеза́рное горе́нием любве́ своея́ ко Го́споду, и на ка́мене ве́ры утверди́ся се́рдце твое́, прему́дрый де́лателю виногра́да Христо́ва и, я́ко кри́н многоцве́тный, по́двигом ве́ры процве́л еси́ и нас ча́д твоих, Своим долготерпе́нием упова́ти на Бо́га науча́л еси́. Мы же, уразуме́ша гре́х ропта́ния своего́ и, сокруша́яся се́рдцем, благословля́ху Бо́га, сотво́ршаго ми́лость нам воспеваем: Алилуия.
И́кос 5
Слы́шаще и ви́дяще я́ко ми́лость и и́стина срето́стеся, пра́вда же и ми́р в дела́х твои́х облобыза́стася, кто́ не ублажи́т по́двиги твоя́, вои́стинну Ми́лостивый Илиодоре,– ты́ бо су́ще: на Бо́га упова́ние име́я, псало́мски испове́дал еси́: А́ще пойду́ посреде́ ско́рби, Госпо́дь живи́т мя́, и спасе́т мя́ десни́ца Его́. К стяжа́нию богому́дрия сего́ подви́гни и на́с, взыва́ющих ти́ такова́я:
Ра́дуйся, пла́мене ве́ры боже́ственнаго горе́ния.
Ра́дуйся, фимиа́ме благово́ннаго куре́ния.
Ра́дуйся, кла́дязе милосе́рдия неисчерпа́емаго.
Ра́дуйся, страннопри́имче черто́га незатворя́емаго.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 6
Стра́нно и пресла́вно бы́сть житие́ твое́, преблаже́нне Илиодоре, во е́же диви́мся мы, ка́ко у́бо в посте́ и моли́тве бога́тство некра́домое душе́ твое́й стяжа́л еси́. Кто́ у́бо возмо́жет изрещи́ боле́зни и боре́ния твоея́, я́же Христа́ ра́ди претерпе́л еси́, а́ще боже́ственной любо́вию не возгори́тся, во е́же чи́стым се́рдцем непреста́нно взыва́ти ко Го́споду: Аллилу́иа.
И́кос 6
Но́ваго свети́льника, в де́лех милосе́рдия просия́вшаго, обре́те тя́ Це́рковь Христо́ва, ми́лостиве Илиодоре, поне́же не прилепи́ся се́рдце твое́ сокро́вищем земны́м, и́х же нивочто́же вменя́л еси́, и вся́ я́же тебе́ приноша́ху, убо́гим и стра́ждущим оби́льно расточа́л еси́. Внемли́ же и на́м, о всеблаже́нне, да твои́ми моли́твами душе́внаго и теле́снаго вре́да изба́вльшеся, щедролю́бием твои́м уязви́мся, принося́ще тебе́ сия́ похвалы́:
Ра́дуйся, святым апостолом в ве́ре подража́телю.
Ра́дуйся, к Богу за нас предстателю.
Ра́дуйся, любви ангельской на́с науча́еши.
Ра́дуйся, щедротолю́бием исцеля́еши.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 7
Хотяй всем человеком спастися, ты всем вся был еси, якоже Павел, Христу, апостольскими бо стопами грады и веси проходил еси, зной и мраз претерпевая богатых и убогих, злых и добрых посещал еси, овых целомудрию, овых к братолюбию призывая, а иныя страхом Божиим пастырски вразумляя, да вси единеми усты и единем сердцем поем Триединому Богу: Аллилуиа.
И́кос 7
Прия́в жре́бий апо́стольства от Го́спода нашего Иисуса Христа, ча́да своя́ духо́вная на строительство храмов и источников оте́ческою любо́вию усе́рдно благословлял еси́, мы́ же, сла́вяще до́брый о́браз трудо́в твои́х, ублажа́ем тя́ сицевы́ми похвалы́:
Радуйся, земных храмов строителю.
Ра́дуйся, правосла́вныя ве́ры и́стинный ревни́телю.
Радуйся, ангельскою верою обьятый.
Радуйся, яко расточал еси множество щедрот.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 8
Поюще велия и преславное житие твое, авва Илиодоре, почитаем священную память твою и благоговейно молим тя, во еже милостивно даровати душам нашим полезная, и ко спасению потребная. Мы же, имуще тя, Оптиной пустыни дивное украшение и пред Богом же молитвенное заступление, благодарно поем Ему: Аллилуия.
И́кос 8
Ве́сь бе́ в нижних и вы́шних, пра́ведне Илиодоре, егда́ Ду́хом Святы́м возвести́ся ти́ жития́ твоего́ сконча́ние в день Иверской иконы Божей Матери, иже провидев во́лею Бо́жию предвозвести́л еси́ чадам своим: «Молитися обо мне ко Господу, дабы я прошел мытарства, и буду еще больше служить вам», та́ко слушая словеса сии взываем ти таковая:
Ра́дуйся, любве́ Христо́вой на́с науча́ющий.
Ра́дуйся, гряду́щая на́м сказу́ющий.
Ра́дуйся, многих чад на по́двиг священнический благослови́вый.
Ра́дуйся, послуша́нию и целому́дрию научи́вый.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 9
Вся́ко коле́но земны́х от градо́в и ве́сей, я́ко мра́вия ко гро́бу твоему́ стека́шася, блаже́нне Илиодоре, дру́г дру́га тесня́ще и со слеза́ми взыва́ху: О, Го́споди Бо́же на́ш! Почто́ лиши́л еси́ на́с отца́ и пита́теля на́шего? Кто́ ны́не нас а́лчущих духовною пищей напита́ет и отцовскою рукою согреет. Мы́ же с содрога́нием се́рдца и душе́ю, надеяся на милость Божию, воспеваем хвале́бную пе́снь: Аллилу́иа.
И́кос 9
Вети́и многовеща́ннии недоумева́ют: ки́ими словесы́ восхвали́ти по достоя́нию непоро́чное Бо́гу служе́ние твое́, боголюби́ве Илиодоре, ниже́ испове́сть вся́ пресла́вная чудеса́ твоя́, и́ми и по сме́рти являеши, приходя к чадом твоим во сне, вразумляя и наставляя их. Си́це бо и восхваляя Бо́га, со стра́хом и умиле́нием приносим тебе́ такова́я:
Ра́дуйся, Небе́снаго Царя ра́бе благи́й и ве́рный.
Ра́дуйся, моли́твенниче за нас примерный.
Ра́дуйся, милосе́рдием благода́ть Ду́ха Свята́го стяжа́вый.
Ра́дуйся, в любви́ Бо́жией богате́я, николиже обнища́вый.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 10
Буди стена́ и наде́жное прибе́жище еси́, отче ми́лостиве, все́м к заступле́нию твоему́ притека́ющим и с любо́вию припа́дающим. Да твои́ми моли́твами приста́нища ра́йскаго дости́гнем, воспевая Богу: Алилуия.
Икос 10
Спаси́тельнаго приста́нища и сла́дости ра́йския пресла́вно дости́гл еси́ бессмертным подвигом твои́м, достохва́льне Илиодоре, и реку́ о́гненную, нече́стие попаля́ющую, невреди́мо прише́л еси́, иде́же со избра́нными Бо́жиими даде́ся ти́ вене́ц сла́вы неувяда́емый, в не́й бо тя́ му́ж пра́ведный узре́ со святителем Николаем пребывающим. И та́ко, ви́дяще тя́ в Бо́зе ликовству́юща, смире́нно и мы́ вопие́м тебе:
Радуйся, святителя Николая, усердный подражателю.
Ра́дуйся, ковче́же, преиспо́лненный благода́тию.
Ра́дуйся, христиа́нскаго благоче́стия ди́вный глаша́таю.
Ра́дуйся, ми́лостивый о на́с пред Бо́гом хода́таю.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 11
Пе́ние всехва́льное прино́сим ти́, досточу́дне Илиодоре, и псало́мски вопие́м ти: Блаже́н му́ж, боя́йся Го́спода, в за́поведех Его́ восхо́щет зело́. Расточи́, даде́ убо́гим, пра́вда его́ пребыва́ет во ве́к. Та́ко, о всеблаже́нне, житие́м твои́м показа́л еси́, я́ко мона́си и мирсти́и, свяще́нницы и правители, бога́тии и убо́зии зва́ни су́ть вни́ти в ра́дость Го́спода своего́, а́ще уразуме́ют я́ко у Го́спода ми́лость, и мно́гое у Него́ избавле́ние, и в де́лех благи́х восхва́лят Трисвято́е и́мя: Аллилу́иа.
И́кос 11
Светоно́сным служи́телем милосе́рдия и человеколю́бия предста́л еси́ престо́лу Всевы́шняго Влады́ки и Го́спода Си́л, всеблаже́нне Илиодоре, отону́дуже Боже́ственными луча́ми Трисо́лнечнаго Све́та осиява́еши на́с во тьме́ грехо́вней блужда́ющих, на све́тлую стезю́ покая́ния и доброде́лания наставля́еши, не скрыва́ти себе́ сокро́вищ на земли́, иде́же че́рвь и тля́ тли́т, и иде́же та́тие подкапывают и кра́дут. Мы́ же, сла́вное сие́ Христо́во веща́ние в послуша́ние прие́млюще, с ра́достию зове́м ти́:
Ра́дуйся, доброде́телью восхо́д в небо сотвори́вый.
Радуйся, милосе́рдием ко́зни вра́жия посрами́вый.
Ра́дуйся, святы́я Це́ркве похвало́ и украше́ние.
Ра́дуйся, среди́ собла́знов непоро́чное Богу служе́ние.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 12
Благода́ть Бо́жию оби́льно прия́л еси́, пра́ведне Илиодоре, е́юже укрепи́ся се́рдце твое́ в любви́ ко Христу́ Бо́гу, си́це бо, долготерпе́нием и ве́рою просия́в, от земна́го твоего́ жития́ в Небе́сная селе́ния со А́нгельскими ли́ки водвори́лся, милосе́рдия Бо́жия пропове́дник преизря́ден яви́лся еси́. Ему́ же, со дерзнове́нием предстоя́, мо́лимтися те́пле: благода́тию Свята́го Ду́ха окропи́ти сердца́ на́ша, да твоего́ жития́ подража́тели бу́дем, ко исполне́нию за́поведей Христо́вых усе́рдно потщи́мся, вопию́ще Ему́: Аллилу́иа.
И́кос 12
Поюще велия и преславное житие твое, авва Илиодоре, почитаем священную память твою и благоговейно молим тя, во еже милостивно даровати душам нашим многое полезное и ко спасению потребное. Мы же, имуще тя Оптиной пустыни дивное украшение, пред Богом же молитвенное заступление, благодарно зовем ти таковая:
Ра́дуйся, скороги́бнущее ми́ра сего́ позна́вый.
Ра́дуйся, любо́вь Христо́ву стяжа́вый.
Ра́дуйся, на пи́р А́гнца Бо́жия на́с призыва́ющий.
Ра́дуйся, две́ри Ца́рствия Христо́ва нам отверза́ющий.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 13
О, предивный уго́дниче Бо́жий Илиодоре! Приими́ от на́с убо́гих долготерпе́ния твоего́ восхвале́ние и, я́ко име́яй о лю́дех сострада́ние, испроси́ у Человеколюби́ваго Бо́га Це́ркве Христо́вой благостоя́ние, на́м же, ве́ры благочести́выя утвержде́ние, наде́жды нело́жное упова́ние, да не ума́лится пра́вда Бо́жия в де́лех на́ших, егда́ пое́м Бо́гу Трисвяту́ю пе́снь: Аллилу́иа.
Этот конда́к читается трижды, затем и́кос 1-й и конда́к 1-й.
И́кос 1
А́нгелом ра́дование и челове́ком весе́лие бы́сть житие́ твое́, Илиодоре Ми́лостивый. Ты́ бо пра́отцу твоему апостолу Гайю милосердием и страннолюбием после́дуя, я́ко оте́ц чадолюби́вый: а́лчущих пита́я, стра́нных же с ра́достию прие́мля, любе́зно те́х упокоева́л, и та́ко до́м тво́й обитель Оптинскую для нас прибе́жищем ра́дования соде́лал еси́. Си́це, ви́дяще тя, во́лю Бо́жию в дела́х милосе́рдия творя́ща, прино́сим ти́ таковы́я похвалы́:
Ра́дуйся, Оптиной пустыни свети́льниче светоза́рный.
Ра́дуйся, человеколю́бия о́бразе пресла́вный.
Ра́дуйся, ты́ бо в житии́ твое́м все́м се́рдцем Бо́га возлюби́вый.
Радуйся, сердца твоего земным сокровищем не приложивый.
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Конда́к 1
Избранный угодничий Христо́в Илиодоре! Похва́льная прино́сим ти́ пение. Ты́ бо о лю́дех милосе́рдствуя, Бо́гу угождати возлюби́л еси́, те́мже ти́, любо́вию Бо́жией обогати́вшемуся и дерзнове́ние к Нему́ стяжа́вшему, припа́дающе прилежно мо́лимтися: не оста́ви и на́с, к тебе́ в ну́ждах прибега́ющих и со умиле́нием зову́щих:
Ра́дуйся, Илиодоре Ми́лостивый, житие́м свои́м Це́рковь Христо́ву украша́ющий.
Моли́тва
О, преди́вне избра́нниче Бо́жий, Илиодоре Ми́лостивый! Правосла́вия свети́льниче, Го́спода Бо́га ра́бе благи́й и ве́рный! Ты́ бо все́м се́рдцем ева́нгельски Христу́ после́довавый и да́нный тебе́ тала́нт прему́дре умно́живый: си́рых и убо́гих оде́явый и напита́вый; в ско́рбех и печа́лех су́щих уте́шивый, уме́рших и на сто́гнах пове́рженных гро́бу преда́вый; все́м вся́чески послужи́вый, и та́ко ве́ру свою́ в дела́х показа́л еси́. Е́й, уго́дниче Бо́жий, не пре́зри на́с, печа́льми жите́йскими изныва́емых и страстьми́ грехо́вными обурева́емых. Ты́ же, отче пра́ведный, милосе́рдствуя о на́с, умоли́ Христа́ Бо́га, да обогати́т сердца́ на́ша Ду́хом Свои́м Святы́м, исцели́т душе́вныя и теле́сныя неду́ги на́ша. Да ве́ре, долготерпе́нию и милосе́рдию твоему́ подража́юще, во благоче́стии и чистоте́ поживе́м вся́ дни́ живота́ на́шего, да славится Трисвято́е И́мя: Отца́, и Сы́на, и Свята́го Ду́ха и Твое милостивое предстательство, во ве́ки веко́в. Ами́нь!
Величание:
Величаем тя угодниче Божий Илиодоре и чтим святую память твою, ты бы молиши о нас Христа Бога нашего.
